მიხეილ ბერიშვილის “ზლატოროგმა” მორიგი საკონტროლო მატჩი გამართა და უნგრულ “ზალაკერამიას” 95:83 სძლია, რითაც გუნდის მთავარ მწვრთნელ პრედრაგ მილოვიჩს, რომელსაც დაბადების დღე ჰქონდა, ჩინებული საჩუქარი უძღვნა.

ქართველი კალათბურთელი წინა მატჩებივით შედეგიანი არ ყოფილა და მხოლოდ 3 ქულას დასჯერდა, ლაშკოელებს კი ზაგორაცმა (32) და ლაპორნიკმა (29) ულიდერეს.

შეგახსენებთ, რომ სლოვენიაში სეზონი სტარტს 11 ოქტომბერს აიღებს და “ზლატოროგის” პირველი მეტოქე “ჰოპსი პოლზელა” იქნება.