ლანჩხუთის “გურიაში” სიახლეებია, კერძოდ, გუნდის მთავარ მწვრთნელად დაინიშნა უკრაინელი სპეციალისტი რომან პოკორა. ოთხშაბათს პოკორა ლანჩხუთის მუნიციპალიტეტის გამგეობაში წარადგინეს.

65 წლის უკრაინელი სპეციალისტი არაერთ კლუბში მუშაობდა, თუმცა ორგან დატოვა განსაკუთრებული კვალი: 2001 წელს უკრაინული “პოლიგრაფტეხნიკა” გადაიყვანა უმაღლეს ლიგაში, ხოლო 2009 წელს ზაქათალის “სიმურგს” ისტორიაში პირველად, ჩემპიონატში მესამე ადგილი დააკავებინა.

პოკორა ბოლოს (2010-2011) ხარკოვის “ჰელიოსში” მუშაობდა.

ის ლვოვის “კარპატიში” თამაშობდა და 130 მატჩი აქვს ჩატარებული ამ გუნდში, 1969 წელს კი საბჭოეთის თასიც მოიგო.

პოკორამ განაცხადა, რომ გუნდის ევროთასებზე გაყვანა დაისახა მიზნად.