იტალიის სერია A-ს მე-8 ტურში, “რომასა” და “ნაპოლის” შორის გასამართი შეხვედრის თარიღმა ერთი დღით გადმოიწია. 19 ოქტომბრის ნაცვლად, თამაში 18 ოქტომბერს გაიმართება.

19 ოქტომბერს, იტალიის დედაქალაქში საპროტესტო აქციაა დაგეგმილი, რაც საფეხბურთო მატჩის სრულყოფილად ორგანიზებას ხელს შეუშლიდა. იტალიური ფეხბურთის მმართველ პირებს პრობლემის გადაჭრის 2 გზა ჰქონდათ – თამაში ან ნეაპოლში უნდა გამართულიყო, ან მატჩის თარიღი შეცვლილიყო. საბოლოდ გადაწყდა, რომ შეხვედრა ერთი დღით ადრე, 18 ოქტომბერს გაიმართოს. მატჩის დაწყების დრო უცვლელია – თბილისის დროით 20 საათი.