ხვალ, 17 ოქტომბერს, 50 წელი სრულდება, რაც ჭადრაკში ქალთა შორის მოსკოვში გამართულ მატჩში მსოფლიო ჩემპიონის ტიტულისთვის ბრძოლაში, ნონა გაფრინდაშვილმა იმჟამინდელი ჩემპიონი ელიზავეტა ბიკოვა დაამარცხა და პლანეტის უძლიერესი მოჭადრაკის ტიტული პირველად მოიპოვა.
ამ მოვლენის აღსანიშნავად, ამა წლის 17 ოქტომბერს, 17:00 საათზე, სასტუმრო “რედისონ ბლუს” საკონფერენციო დარბაზში, ნონას საიუბილეო საღამო გაიმართება.
ნონა გაფრინდაშვილი:
მსოფლიოს 5-გზის ჩემპიონი.
11-გზის ოლიმპიური ჩემპიონი.
ქალთა შორის პირველი საჭადრაკო ოსკარის მფლობელი.
მე-20 საუკუნის საუკეთესო ქართველი სპორტსმენი ქალი.
საქართველოს ეროვნული ოლიმპიური კომიტეტის პირველი თავმჯდომარე.