როგორც უკვე ვიუწყებოდით, საქართველოს წყალბურთელთა ნაკრებმა 2014 წლის ევროპის ჩემპიონატის ჯგუფურ ეტაპზე ყველა მატჩი წააგო და ბრძოლას მეშვიდე-მეთორმეტე ადგილებისთვის გააგრძელებს, პირველ მეტოქედ კი საფრანგეთი ეყოლება.
ტურნირის ფორმატის მიხედვით ჯგუფებში მეხუთე-მეექვსე პოზიციებზე გასული გუნდები ჯვარედინი პრინციპით წყვილდებოდნენ. შედეგად, ქართველ წყალბურთელებს მოწინააღმდეგედ B ჯგუფში მე-5 საფეხურზე გასული საფრანგეთი ერგოთ.
ფრანგები ევროპირველობაზე ქართველთა დარად, ხანგრძლივი შესარჩევი ბატალიების კვალად მოხვდნენ და გერმანიასთან უშუალო დაპირისპირებაში ფავორიტებად არ მოიაზრებოდნენ, თუმცა, მეტოქეს დიდი ბრძოლა გაუმართეს და 8:7 სძლიეს.
ამგვარად, 23 ივლისს საქართველო საფრანგეთს ეთამაშება და გამარჯვების შემთხვევაში, ძალებს რუმინეთთან მოსინჯავს, რომელთანაც ჯგუფურ ეტაპზე 6:11 დამარცხდა. თავის მხრივ, გერმანელები რუსეთს გაეჯიბრებიან და თუკი იმარჯვეს, ძალებს ესპანეთთან მოსინჯავენ.
ევროპის ჩემპიონატზე ყველა ადგილი თამაშდება, ამდენად, თუკი ქართველი წყალბურთელბი საფრანგეთთან დამარცხდნენ, მეთერთმეტე-მეთორმეტე ადგილებისთვის რუსეთს და გერმანიას შორის დაჩაგრულს შეხვდებიან. ეს, დიდი ალბათობით, რუსეთი იქნება, ამდენად, ქართველებს ჯგუფურ ეტაპზე განცდილი დრამატული მარცხისთვის რევანშის აღების შანსი მიეცემათ.
ცნობისთვის, ჩემპიონატის მოწინავე რვა ნაკრები მომავალ ევროპის პირველობაზე თამაშის უფლებას ავტომატურად მიიღებს. ისიც გადაწყვეტილია, რომ 2016
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
მონტენეგროსთან აშკარად არ ითამაშეს ბიჭებმა მთელი ძალებით და იმედია საფრანგეთთან მოახერხებენ გამარჯვებას...
ვამართლებ, მაინც წააგებდნენ და ჯობდა ძალების დაზოგვა. იმედია ფრანგების დამარცხებას მაოხერხებენ
მონტენეგროსთან თამაში არ მინახავს, მაგრამ იმედი მაქვს რომ იქ ძალები დაზოგეს ამ მატჩისთვის.
ავტორ, ეგრევე წაგებულად რატო აცხადებ ფრანგებთან მატჩს.
საფრანგეთან საინტერესოა!
კი, მაგენიც საკვალიფიკაციოში თამაშობდნენ და მაინტერესებს როგორ ვითამაშებთ მათთან.
საფრანგეთს და რუმინეთს თუ მოუგეთ მეშვიდეჩე გავდივართ