მალაიზიის დედაქალაქ კუალა ლუმპურში გრძელდება საერთაშორისო ტურნირი, სადაც პირველ ნომრად ქართველი დიდოსტატი მიხეილ მჭედლიშვილი (რეიტინგი 2634) გახლავთ განთესილი.
7 ტურის თავზე მჭედლიშვილის აქტივში 5 ქულაა და იგი დამატებითი მაჩვენებლების მიხედვით მე-9 ადგილზე იმყოფება. ტურნირის სათავეში ჩინელი ჰოუ იფანი (2570) გახლავთ, რომლის მონაგარიც 6.0 ქულაა.
ბოლოსწინა მე-8 ტურში ქართველი მოჭადრაკე შავი ფიგურებით მალაიზიელ ნიკოლას ჩანს (2398) გაეჯიბრება.