კატალონიის "ბარსელონას" ფრანგმა მცველმა ჟერემი მატიემ ჩემპიონთა ლიგის მომავალი მატჩის წინ პსჟ-ს შესახებ ისაუბრა. 30 წლის ფეხბურთელმა ფრანგულ გრანდში ზლატან იბრაჰიმოვიჩის ფაქტორს გაუსვა ხაზი.

"პსჟ-ს წინააღმდეგ 100%-იანი მობილიზებით უნდა ვითამაშოთ, რათა სასურველ შედეგს მივაღწიოთ. ფრანგული გრანდი ნიჭიერი ფეხბურთელებით დაკომპლექტებული გუნდია, რომელსაც ზლატან იბრაჰიმოვიჩი ჰყავს. თუმცა, შვედის გარეშე პსჟ ისეთი ძლიერი არაა," - განაცხადა მატიემ.

"სტად დე ფრანსიზე" პსჟ-ს და "ბარსელონას" შეხვედრა 30 სექტემბერს თბილისის დროით 22:45 საათზე დაიწყება.

გიორგი ბალახაძე