უფულობა ის სენია, რომელიც რაგინდარა ცნობილ და ერთ დროს მრავლისშემძლე ადამიანს სწორედ მაშინ წამოეწევა ხოლმე, როდესაც ეს უკანასკნელი ყველაზე ნაკლებად ელის. აბა ვინ წამოიდგენდა, რომ ლეგანდარულ მაიკლ ჯორდანს ფული გაუჭირდებოდა? მაგრამ ეს მოხდა!

კალათბურთის უდიდესი ლეგენდის, მაიკლ ჯორდანის მთელი ქონება რამდენიმე სხვადასხვა ბიზნესში იყო დაბანდებული და შავტუხა მაიკი შემოსავალსაც არ უჩიოდა. მაგრამ, ბიზნეს-პარტნიორებმა მისი იმედები ვერ გაამართლეს და ახლა ჯორდანი იძულებულია თავისი ერთ-ერთი ვილა გაყიდოს.

ილინოისის შტატში მდებარე მაიკლ ჯორნდანის 3 სართულიანი უზარმაზარი და ულამაზესი ვილა, ”სულ რაღაც” 14 მილიონ დოლარად იყიდება. კალათბურთელი თავის სახლს თავიდან უფრო ძვირადაც აფასებდა, მაგრამ რაკი კლიენტებმა კალთები არ დაახიეს, იძულებული გახდა 14 მილიონზე ჩამოსულიყო. ჯორდანი თავის გაკოტრების ზუსტ მიზეზებზე საუბარს ერიდება. ანდა რა არის ამაში სასაუბრო?!...