ვარშავის "ლეგიას" პრეზიდენტმა ბოგუსლავ ლესნოდორსკიმ გუნდის ბოლო თამაშები შეაფასა, კმაყოფილება გამოთქვა და ქართველ ლადო დვალიშვილზე თქვა: "ის სუპერია!".
ლესნოდორსკიმ აღნიშნა, რომ ლადო საუკეთესო შენაძენია. ასევე განმარტა, რომ მიუხედავად რამდენიმე ფეხბურთელის მიმართ ძლიერი კლუბებიდან დაინტერესებისა, ზაფხულში გუნდის შემადგენლობის შენარჩუნებას აპირებს. "ლეგიას" მიზანი ჯერ ჩემპიონობა, შემდეგ კი ლიგის ჯგუფურ ეტაპზე გასვლაა.
როგორც იცით, დვალიშვილის გუნდი ლიდერია და 4 ქულით უსწრებს უახლოეს მდევარ "ლეხს".
