უახლოეს პერიოდში, რომის “ლაციო” ბრაზილიელი ერნანესის გაყიდვას არ გეგმავს. ამის შესახებ რომაელთა სპორტულმა დირექტორმა იგლი ტარემ განუცხადა Corriere dello Sport-ს.

“არასტაბილურობის მიუხედავად, ერნანესი ჩვენი გუნდის საკვანძო ფიგურად რჩება. საკმარისია, გავიხსენოთ მისი გოლები და ამაში თავადაც დარწმუნდებით. მასთან ან მის აგენტთან ყოველი შეხვედრისას ვრწმუნდები, რომ ბრაზილიელი “ლაციოში” თავს ისე გრძნობს, როგორც თავის სახლში. არავინ იცის, რა გველის მომავალში და ვინ სად ითამაშებს. დაზუსტებით შემიძლია ვთქვა, რომ უახლოეს პერიოდში, ერნანესი კლუბს არ შეიცვლის. რამდენად ახლოს ვართ კონტრაქტის გახანგრძლივებასთან? არც ახლოს და არც შორს”, - განაცხადა ტარემ.

ცნობისათვის, ერნანესს “ლაციოსთან” მოქმედი კონტრაქტი 2015 წელს ეწურება.