საქართველოს ჭიდაობის ეროვნული ფედერაციის პრეზიდენტი ლუკა კურტანიძე აქტიურ სპორტს უბრუნდება. ამის შესახებ 41 წლის ვეტერანმა სპორტსმენმა ოფიციალური განცხადება ვაკის ფალავანთა კლუბში გამართულ პრესკონფერენციაზე გააკეთა. მსოფლიოს 2-გზის და ევროპის 5-გზის ჩემპიონი 2014 წლის სეზონის დასაწყისში, ირანში გასამართ ტრადიციულ საერთაშორისო ტურნირზე - „ტახტის თასზე“ 97 კილოგრამ წონით კატეგორიაში იჭიდავებს.