ლევან კობიაშვილის "ჰერტამ" ბუნდესლიგის საგზური გაინაღდა. ეს მოხდა 30-ე ტურში, რომელშიც "ჰერტამ" შინ 1:0 აჯობა "ზანდჰაუზენს". მართალია, წინ 4 ტურია, მაგრამ მესამეადგილოსანი ვერანაირად ვეღარ დაეწევა "ჰერტას". ბერლინელები პირველ ადგილზე არიან და 4 ქულით უსწრებენ "ბრაუნშვაიგს", რომელსაც თითქმის განაღდებული აქვს ბუნდესლიგის საგზური.

კობიაშვილი "ზანდჰაუზენთანაც" სასტარტოში იყო, თუმცა ამჯერად ბოლომდე არ უთამაშია: 52-ე წუთზე შეცვალეს - როცა ჯერ 0:0 იყო.

რუსეთში ცსკა-"სპარტაკის" დერბი 2:2 დასრულდა. ჯანო ანანიძე განაცხადში არ გახლდათ - ცნობილიც იყო, რომ ვერ ითამაშებდა, რადგან ინდივიდუალურად ვარჯიშობს.