ევროპის ლიგის 1/16 ფინალში "დნიპრომ" შინ მოუგო ლონდონის "ტოტენჰემს" – 1:0. ჯაბა კანკავამ შეუცვლელად ითამაშა და დიდი სამუშაო გასწია მოედნის ცენტრში. საერთოდაც, ჯაბა ამ სეზონს მაღალ დონეზე ატარებს და არც ეს შეხვედრა ყოფილა გამონაკლისი. სანდრო კობახიძე და უჩა ლობჟანიძე "დნიპროს" განაცხადში არ ყოფილან.

"ანჟიმ" შინ 0:0 ითამაშა ბელგიის "გენკთან". გია გრიგალავა შეუცვლელად გაისარჯა. ასევე უგოლო ფრე დაფიქსირდა ოდესაში, სადაც "ჩერნომორეცი" ფრანგულ "ლიონს" მასპინძლობდა. თორნიკე ოქრიაშვილმა პირველად ითამაშა ევროტურნირებზე: 86-ე წუთზე შეიყვანეს მინდორზე.