„დინამო“ არენაზე“ მიმდინარე კახა კალაძის გამოსამშვიდობებელი მატჩის პირველი ტაიმი კალაძის მეგობრების გუნდის გამარჯვებით, 1:0 დასრულდა.

მოედნის ცენტრიდან პირველი დარტყმა კახას ვაჟმა ლევან კალაძემ შეასრულა.

ტაიმის განმავლობაში მეტ-ნაკლებად სახიფათო მომნტები ორივე გუნდს ჰქონდა, თუმცა ასპორცენტიანი საგოლე მომენტი მე-20 წუთამდე არავის შეუქმნია. მე-20 წუთზე კი შევჩენკო პირისპირ დარჩა შოვკოვსკისთან, მაგრამ ყოფილმა თანაგუნდელს ვერ აჯობა.

25-ე წუთზე არველაძე კარბონემ საჯარიმოში წააქცია და მსაჯმა პენალტი დანიშნა. თავიდან შოთამ თავადვე ისურვა პენალტის დარტყმა, მაგრამ შემდეგ დემეტრაძეს დაუთმო და დემემაც ისეთი „გაუგორა“ როსის, რომ იტალიელი მეკარე არც განძრეულა - 1:0.

კალაძის მეგობრების გუნდი: შოვკოვსკი, ვაშჩუკი, გროსო, კანავარო, კოუტუ, კობიაშვილი, ტონი, შოთა არველაძე (არჩილ არველაძე 39), იაშვილი, დემეტრაძე, მუჯირი (რებროვი 23)

მილანი: როსი, მალდინი, კალაძე, ბარეზი (ფავალი 29), ოდო, ფლამინი, შიმიჩი, ჯუნტი (კარბონე 23), სერჟინიო, შევჩენკო, ინძაგი

მსაჯი: ლუბოშ მიხელი