არნემის “ვიტესის” აწ უკვე ყოფილმა მფლობელმა და პრეზიდენტმა მერაბ ჟორდანიამ ჰოლანდიურ პრესასთან საუბარში არ თქვა მიზეზი, თუ რის გამო აღარ არის პოსტზე, თუმცა აღნიშნა:

“ეს კლუბი ჩემთვის შვილივითაა და შვილის გაყიდვა ვის ენდომებოდა?”.

ჟორდანიამ თქვა, რომ კლუბის ახლანდელი პრეზიდენტი ალექსანდრ ჩიგირინსკი მისი საუკეთესო მეგობარია და გულწრფელი ურთიერთობა აქვს.

ვილფრიდ ბონიზე: “ის 3,5 მილიონად შევიძინეთ და შემდეგ 16 მილიონად გაიყიდა “სუონსიში”. თუმცა, ნურავინ იფიქრებს, რომ როცა ბონი “ვიტესში” ჩამოვიყვანეთ, მხოლოდ ფულის მოგებაზე ვფიქრობდი. ჩემი გული და სული “ვიტესის” წარმატება იყო და არა ფული” – თქვა ჟორდანიამ, რომელიც “ვიტესს” თავის კარიერაში საუკეთესო პროექტს უწოდებს.

ჟორდანიამ შეაქო გუნდის მწვრთნელი პეტერ ბოში, ის უნიკალურ საქმეს აკეთებსო. იგულისმება ის ფაქტი, რომ “ვიტესი” ჩემპიონობისთვის იბრძვის და ლიდერ “აიაქსს” მხოლოდ ბურთების შეფარდებით ჩამორჩება. ჰოლანდიელები აღნიშნავენ, რომ 2010 წელს, როცა ჟორდანია “ვიტესში” მივიდა და უახლოეს წლებში საჩემპიონო ამბიციებზე ისაუბრა, ბევრს სასაცილოდ არ ეყო. ახლა კი ეს რეალობაა.