ინდიან უელსის “მასტერზ1000”-მა გარკვეული გადანაცვლებები მოახდინა რეიტინგსიის მოწინავეთა ათეულში. ჯერ კიდევ ფინალში გასვლის შედეგად მარია შარაპოვა კლასიფიკაციის მეორე საფეხურამდე აღზევდა, გადამწყვეტ მატჩში დანიელი კაროლინ ვოზნიაცკის 6:2, 6:2 დამარცხების შემდეგ კი ჟურნალისტებს შემდეგი უთხრა: “ანგარიშის მიუხედავად, შეხვედრა მძიმე გამოდგა. პრაქტიკულად ყველა გათამაშებაში დიდი ბრძოლა მიდიოდა. კაროლინს მეორე სეტში მატჩის შემობრუნების შანსი ჰქონდა, მაგრამ ეს შესაძლებლობა ვერ გამოიყენა. კარგად ვაწოდებდი და ამ ელემენტის სათანადოდ შესრულება დიდად დამეხმარა. ტურნირის დასაწყისში საუკეთესო ჩოგბურთს ვერ ვაჩვენებდი, შემდეგ კი თანდათან მოვუმატე. ფინალში მართლაც კარგად ვითამაშე”.

ქალთა ათეულში თითო საფეხურით დაწინაურდნენ სარა ერანი და კაროლინ ვოზნიაცკი.

მამაკაცთა ტოპათეულს რაც შეეხება, მეოთხე საფეხურამდე აიწია რაფა ნადალმა და თუ ასევე გააგრძელა, სამეულშიც ვიხილავთ. რაფამ ხომ წლეულს 3 ტურნირში იასპარეზა და სამივეში იმარჯვა.

South African Airways ATP Rankings

1 (1) ნოვაკ ჯოკოვიჩი (სერბეთი) 13280

2 (2) როჯერ ფედერერი (შვეიცარია) 8715

3 (3) ენდი მარეი (დიდი ბრიტანეთი) 8350

4 (5) რაფა ნადალი (ესპანეთი) 6745

5 (4) დავიდ ფერერი (ესპანეთი) 6630

6 (6) ტომაშ ბერდიხი (ჩეხეთი) 4010

7 (7) ხუან მარტინ დელ პოტრო (არგენტინა) 4830

8 (8) ჟო-ვილფრიდ ცონგა (საფრანგეთი) 3750

9 (9) იანკო ტიპსარევიჩი (სერბეთი) 3090

10 (10) რიშარ გასკე (საფრანგეთი) 2960

WTA Tour Singles Rankings

1 (1) სერენა უილიამსი (აშშ) 10365

2 (3) მარია შარაპოვა (რუსეთი) 10015

3 (2) ვიკტორია აზარენკა (ბელარუსი) 9575

4 (4) აგნეშკა რადვანსკა (პოლონეთი) 7395

5 (5) ნა ლი (ჩინეთი) 5880

6 (6) ანგელიკ კერბერი (გერმანია) 5400

7 (8) სარა ერანი (იტალია) 5160

8 (7) პეტრა კვიტოვა (ჩეხეთი) 5150

9 (10) კაროლინ ვოზნიაცკი (დანია) 4130

10 (9) სამანტა სტოსური (ავსტრალია) 4005