გელზენკირხენის “შალკეს” თავდამსხმელი კლას იან ჰუნტელაარი, თავისი ყოფილი კლუბის, მადრიდის “რეალის” წინააღმდეგ ჩემპიონთა ლიგაზე გასამართი მატჩის წინ ჟურნალისტებს გაესაუბრა.

“ჩემთვის, ეს თამაში განსაკუთრებულია. “რეალი” დიდი კლუბია, რომელსაც ფანტასტიკური ფეხბურთელები ჰყავს. მიხარია, რომ ამ გუნდში თამაშის საშუალება მომეცა.

მადრიდელებთან დაპირისპირებას მოუთმენლად ველი. “რეალის” მაისურით გოლის გატანა დაუვიწყარი შეგრძნება იყო. განსაკუთრებით მაშინ, როდესაც ეს “სანტიაგო ბერნაბეუზე” ხდებოდა.

ჩვენს წყვილში, ფავორიტად “რეალს” მივიჩნევ, მაგრამ წინააღმდეგობის გაწევას შევეცდებით. შემდეგი ეტაპის საგზურისთვის ვიბრძოლებთ. თუმცა, ვიმეორებ – “რეალი” ფავორიტია და არა მხოლოდ ჩვენს წყვილში, არამედ მთელს ტურნირზე.” – ციტირებს ჰუნტელაარის სიტყვებს Marca.

ჰუნტელაარი “რეალში” 2008-09 წლების სეზონის მე-2 ნახევარში თამაშობდა. მადრიდელთა მაისურით ჩატარებულ 20 მატჩში მან 8 გოლი გაიტანა.