ქართველმა მოჭადრაკე ანა მათნაძემ (2410) სარაგოსას საერთაშორისო ტურნირის საწყისი ექვსი ტური ისე განვლო, მარცხის სიმწარე ერთხელად არ შეეგრძნო, თუმცა, შემდეგ ზედიზედ ორი პარტია წააგო და ლიდერებს დაშორდა.
მე-8 ტურში მათნაძე თეთრი ფიგურებით ესპანურ ტურნირზე უმაღლესი რეიტინგის (2621) მქონე ბულგარელ ალექსანდრ დელჩევთან დამარცხდა და 5.0 ქულით 22-ე ადგილამდე დაქვეითდა.
ასეთივე მონაგარით 26-ე საფეხურზე გადაინაცვლა სოფიკო გურამიშვილმა (2319), რომელმაც თეთრებით ესპანელ დანიელ გარსიას (2008) სძლია.
მე-9 ტურში ქართველი მოჭადრაკეები შავი ფიგურებით ითამაშებენ. მათნაძის მეტოქე მასპინძელი ედუარდო კოლომი (2027) იქნება, ხოლო გურამიშვილი რუმინელ რაზვან-გაბრიელ იაგარს (2054) დაუპირისპირდება.
გასული ტურების თავზე სარაგოსას ტურნირს ორი ლიდერი ჰყავს: ესპანელი დანიელ ფორსენი (2367) და ებრაელი არტურ კოგანი (2535) 7-7 ქულით პირველობენ.