რუსეთის მეორე დივიზიონის “ტოსნომ”, რომელსაც ზამთარში გორის “დილას” ყოფილი ნახევარმცველი მიხაილ გორელიშვილი შეუერთდა ქვეყნის თასზე სენსაცია მოახდინა. “ტოსნომ” 1/8-ფინალში სტუმრად მოსკოვის “სპარტაკს” 1:0 მოუგო და გათამაშებას გამოთიშა. გასათვალისწინებელია, რომ მოსკოველებმა ქვედაქლიგელთან უძლიერესი შემადგენლობით ითამაშეს. გორელიშვილი 18-კაციან განაცხადში იყო და მოედანზე 79-ე წუთზე შევიდა. მატჩის ძირითადი დრო 0:0 დასრულდა, ხოლო “ტოსნომ” გადამწყვეტი გოლი 115 წუთზე გაიტანა. თამაშის შემდეგ “სპარტაკის” ფანებმა მოსკოველთა სათადარიგოთა სკამს პროტესტის ნიშნად შარფები ესროლეს, ხოლო გუნდის მთავარმა მწვრთნელმა ვალერი კარპინმა აღნიშნა, რომ ასეთი შედეგი “სპარტაკისთვის” სირცხვილია.