სუპერლიგის ერთ-ერთი საუკეთესო კალათბურთელი, გამთამაშებელი გიორგი(ლაშა) გამყრელიძე (04.02.86, 185 სმ,78კგ), საქართველოს ყველაზე ტიტულოვან კლუბ თბილისის ,,დინამოში” ჩაირიცხა. ამის შესახებ, ,,მსოფლიო სპორტს” თავად გამყრელიძემ განუცხადა.

შეგახსნებთ, გამყრელიძემ 2012-13 წლების სეზონი სუპერლიგის ერთ-ერთ საუკეთესო გუნდ ,,არმიაში” გაატარა, რომელიც ბრინჯაოს მედლის მფლობელი გახდა. გიორგიმ ლომის წილი შეიტანა კრიზისში მყოფი ,,არმიის” მიერ ბრინჯაოს მედლის მოპოვებაში.

ეროვნული ნაკრებისა და უცხოური გუნდების გარდა, გამყრელიძეს სუპერლიგის თითქმის ყველა წამყვან გუნდში აქვს ნათამაშები.