“მილანის” ვიცეპრეზიდენტმა ადრიანო გალიანიმ ნახევარმცველ კევინ-პრინს ბოატენგის “შალკე”-ში გადასვლასთან დაკავშირებით ოფიციალური კომენტარი გააკეთა. იტალიური კლუბის ხელმძღვანელობა გელზენკირხენული კლუბის დირექტორთა საბჭოს წევრ პეტერ პეტერსის მიერ ერთ-ერთი გერმანული გამოცემისთვის გაკეთებულმა კომენტარმა გააღიზიანა, რომლის თანახმადაც, განელი ფეხბურთელის “მილანიდან” წასვლის მიზეზად რასიზმი დასახელდა.
“კევინ-პრინს ბოატენგს ტრანსფერამდე არაერთხელ ვესაუბრე და მისგან რასიზმთან დაკავშირებით ერთი სიტყვაც არ მომისმენია. არ ვიცი, ვის რაში დასჭირდა ამ უაზრო პრობლემის გამოგონება” – ციტირებს “მილანის” ვიცეპრეზიდენტის სიტყვებს იტალიური პრესა.
