დასასრულს მიუახლოვდა ვაჟ  მოჭადრაკეთა 70-ე ეროვნული ჩემპიონატი, რომელსაც ვერის ბაღში მდებარე თბილისის ჭადრაკის სასახლე მასპინძლობს. შეგახსენებთ, რომ აპსრეზობა ოლიმპიური, ნოკაუტსისტემით მიმდინარეობს.
ლევან ფანცულაიამ მე-3 ეტაპის მე-4 კლასიკურ პარტიაში, ზედიზედ სამი ყაიმის შემდეგ, გიგა ყუფარაძის დამარცხება შეძლო, 2,5:1,5 გაიმარჯვა და ფინალში ასპარეზობის უფლება მოიპოვა. რაც შეეხება ლუკა პაიჭაძე-დავით ზარქუას წყვილს, ზაქრუა მე-4 პარტიამდე ლიდერობდა, მაგრამ პაიჭაძემ შეძლო კლასიკური პარტიების დასკვნითი შეხვედრა მოეგო და ანაგრიში გაათანაბრა - 2:2.
ამრიგად, პაიჭაძე-ზარქუას შორის საუკეთესოს ტაი ბრეიქი გაარკვევს, რომელიც 22 იანვარს, 15.00 საათზე დაიწყება.
აღნიშნულ წყვილს შორის გამარჯვებული ფანცულაიას, ხოლო დამარცხებული ყუფარაძეს შეხვდება, რომელიც შესაბამისად, ოქროსა და ბრინჯაოს მედლებისთვის იბრძოლებენ.
როლანდ ლაბუჩიძე