ჩეხი სპეციალისტი დუშან უჰრინი მიიჩნევს, რომ რუმინეთის ლიგა 1-ში საქართველოს 4-5 გუნდი თავისუფლად ითამაშებდა. ამასთან, უჰრინმა დასძინა, რომ რუმინეთის ჩემპიონატი გაცილებით ძლიერი და კონკურენტუნარიანია. თბილისის "დინამოს" მწვრთნელი ამბობს, "სტიაუა" ჩვენზე წინაა მომზადებით, რადგან ჩემპიონატი უკვე დაეწყოთ, საქართველოში კი 10 აგვისტოს იწყებაო.

როგორც იცით, უჰრინმა განაცხადა, "სტიუასთან" არასოდეს წამიგიაო. აქვე, მისი სტატისტიკა "ტიმიშოარაში" მუშაობისას - 4 მატჩი, 1 მოგება და 3 ფრე ბუქარესტის კლუბთან (2:0, 1:1, 0:0, 2:2). მართალია, დღევანდელი "სტიაუა" მაშინდელზე ძლიერია, მაგრამ სტატისტიკა სტატისტიკაა.

და კიდევ, თბილისში 30 ივლისს თამაშს შესძლებენ მცველი ვლად კირიკეში და გამთამაშებელი კრისტიან ტენასე, რომლებიც მაკედონიაში "ვარდართან" მატჩზე არც ყოფილან ჩასულნი. კირიკეშის ნაცვლად გარდოში თამაშობდა, ტენასე კი პირვულესკუმ შეცვალა.

30 ივლისს "დინამო"-"სტიაუა" "დინამო არენაზე" 20 საათზე დაიწყება.