გორის “დილას” ყოფილი თავდამსხმელი ნათან ჟუნიორი კარიერას ხაბაროვსკის “სკა-ენერგიაში” გააგრძელებს.
რუსეთის პირველი დივიზიონის კლუბის გენერალურმა დირექტორმა სერგეი ფელდმანმა ინტერნეტგამოცემა sportbox.ru-სთან საუბარში განაცხადა, რომ ბრაზილიელმა ფეხბურთელმა “სკა-ენერგიასთან” ერთწლიანი კონტრაქტი გააფორმა.
განვლილი სეზონის წინ, ჟუნიორი “დილაში” რიგის “სკონტოდან” გადავიდა. “სკა-ენერგიას” მთავარი მწვრთნელი ლიტველი ვალდას ივანაუსკასი ბრაზილიელის შესაძლებლობებს კარგად იცნობს, რადგან “დილაში” ერთად უმუშავიათ.
