დაახლოებით 1 თვის წინ მოსკოვის ცსკა-ში გადასულ მანუჩარ მარკოიშვილს ის პატივი ხვდა წილად, რომ კლუბის ხელმძღვანელობამ ქართველი უკანახაზელი საკუთარ თამაშებზე დასასწრები აბონემენტის სარეკლამო რგოლში გადაიღო.
კლიპი გაშარჟებულია ცნობილი ფილმის – “კავკასიელი ტყვე ქალის“ კადრით და მასში მარკოიშვილი რუსულთან ერთად, ქართულადაც ლაპარაკობს.
მარკოიშვილი რუსულ გრანდში გასულ აგვისტოში თურქული “გალათასარაიდან” გადავიდა. ის კომპეტენტურ საკალათბურთო პორტალ ეურობასკეტ.ცომ-ის ცსკა-ს გვერდზე მოსკოველთა სასტარტო ხუთეულის წევრად მოიაზრება.
შეგახსენებთ, რომ “მანუმ” 2015 წლის ევროპის ჩემპიონატის შესარჩევ მატჩებში მონაწილეობის მიღება ტრავმის გამო ვერ მოახერხა, თუმცა, უკვე მწყობრშია და ცსკა-სთან ერთად, ახალი სეზონისთვის ემზადება.
