სუპერლიგის მონაწილე “ბათუმი-რსუმ” მე-3 ლეგიონერი, ამერიკელი გამთამაშებელი ჯუნიორ-კარლაილ კადუგანი დაიმატა, რომელიც კანადის ეროვნულ ნაკრებში თამაშობს.
ამის შესახებ “მსოფლიო სპორტს” “ბათუმი-რსუს” მთავარმა მწვრთნელმა მიხეილ კობეშავიძემ განუცხადა.
“კადუგანი ბათუმში 10 ოქტომბერს ჩამოვიდა. დღეს დაისვენა, გუნდთან ერთად პირველ ვარჯიშს 11 ოქტომბერს ჩაატარებს”, _ გვითხრა კობეშავიძემ. შეგახსენებთ, რომ “ბათუმი-რსუმ” კადუგანამდე ორი ამერიკელი ლეგიონერი, ფორვარდ-ცენტრი, ჯეიმი-დერელი ჯექსონი და უკანახაზელი ჯერემი-ჯეიმს სეფოლდი დაიმატა.
აღნიშნულ კალათბურთელებთან ერთად ზღვისპირელებმა თსუ-ს ყოფილი ცენტრი ირაკლი კობიძე დაიმატეს, ხოლო კიდევ ერთი ცენტრი მამუკა ბოლქვაძე გუნდს ერთწლიანი განშორების შემდეგ დაუბრუნდა.
