19 წლის ქართველი ფორვარდი ბაჩანა არაბული დღეს გერმანიაში გაფრინდა და ფრანკფურტის "აინტრახტში" ივარჯიშებს. გერმანულ კლუბს არაბულის შესახებ ყველა ინფორმაცია აქვს და ამ 3 დღეში უკეთ გაეცნობიან, ვარჯიშებზე კიდევ დააკვირდებიან.
"აინტრახტი" ბუნდესლიგაში მე-6 ადგილზე გავიდა, არადა ბოლო ტურამდე ინარჩუნებდა ჩემპიონთა ლიგის საგზურის მოპოვების შანსს. გუნდს არმინ ფე წვრთნის.
გეცოდინებათ, არაბული საქართველოს 19-წლამდელთა ნაკრების კაპიტანი გახლდათ და ევროპის ჩემპიონატის ფინალურ ეტაპზეც ითამაშა. ბაჩანა "საბურთალოს" ეკუთვნის.
