ძიუდოს საერთაშორისო ფედერაციამ ბაქოს “დიდი სლემის” შედეგები შეაჯამა და მსოფლიოს ახალი რეიტინგსია გამოაქვეყნა, რომლის მიხედვითაც, კაცებში შვიდი წონითი კატეგორიიდან ორში ქართველმა ლიდერებმა მეორე ადგილზე ჩაინაცვლეს.

60 კილოგრამში ამირან პაპინაშვილს პირველობა იაპონელმა ნაოჰიშა ტაკატომ წაართვა. მესამე ადგილზე კი აზერბაიჯანული ტურნირის მონღოლი ჩემპიონი ამარტუვშინ დაშდავაა დამკვიდრდა.

66 კილოგრამ წონით კატეგორიას სათავეში ბაქოს “დიდი სლემის” ოქროსმედალოსანი მონღოლი ტუმურხულეგ დავაადორჟი ჩაუდგა, რომელმაც პირად რეიტინგს 500 ქულა შემატა და აწ უკვე ყოფილ ლიდერ ლაშა შავდათუაშვილს 134 ქულით გაუსწრო. ამავე წონაში საქართველოს ნაკრების კანდიდატები შალვა ქარდავა და ტრისტან ფეიქრიშვილი აზერბაიჯანში მოპოვებული ბრინჯაოებისთვის დარიცხული 200-200 ქულით ცხრილში გვარიანად დაწინაურდნენ. ქარდავამ 45-ე ადგილიდან 24-მდე აიწია, ფეიქრიშვილმა კი სულაც 85-საფეხურიანი ნახტომი გააკეთა და ახლა 45-ე პოზიციას იკავებს.

ზებედა რეხვიაშვილი და ნუგზარ ტატალაშვილი 73 კილოგრამში მე-14 და მე-17 ადგილებზე დგანან. წინა რეიტინგის მიხედვით რეხვიაშვილი თანაგუნდელს ერთი საფეხურით ჩამორჩებოდა, მაგრამ ბაქოში დაკავებული მე-5 ადგილით 100 ქულა გამოიმუშავა.

ყველაზე მეტად კი საქართველოს ნაკრების წევრთაგან მოლოდინისამებრ, ლევან წიკლაურმა (81 კგ) იხეირა. აზერბაიჯანული “დიდი სლემის” საუკეთესო ძიუდოისტად დასახელებულმა ქართველმა ჩემპიონობისთვის დარიცხული 500 ქულით 22-ე ადგილიდან 18 ერთეულით წაიწია წინ და ამჟამად 81 კილოგრამის მე-4 ნომერია. მასზე ერთი ნაბიჯით წინ ავთანდილ ჭრიკიშვილი დგას.

სამი უმძიმესი კატეგორიის მსოფლიოს რეიტინგში მოწინავე ხუთეულებში არაფერი შეცვლილა და შესაბამისად, 90 კილოგრამის ლიდერი ისევ ვარლამ ლიპარტელიანია. +100 კილოგრამში კი ადამ ოქრუაშვილი კვლავ მე-4 ადგილზეა. “დიდი სლემის” მესამეადგილოსანი ზვიად გოგოჭური (90 კგ) მე-13 ადგილამდე დაწინაურდა. ასევე ბრინჯაოს პრიზიორი ლევან მატიაშვილი (+100 კგ) კი მძიმე წონის 34-ე ნომერია.

მომავალი საერთაშორისო ტურნირი მსოფლიოს მასტერსია, რომელიც 25-26 მაისს რუსეთის ქალაქ ტიუმენში გაიმართება.სარეიტინგო ქულების ოდენობით ეს ტურნირი მხოლოდ ოლიმპიურ თამაშებს და მსოფლიოს ჩემპიონატს ჩამოუვარდება. საპრიზო სამეულში მოხვედრილი ძიუდოისტები პირად რეიტინგს 700, 420 და 280 ქულას შემატებენ. მასტერსში მონაწილეობა შეუძლია საერთაშორისო რეიტინგის 16 საუკეთესო ძიუდოისტს, თუმცა თუ რომელიმე მათგანი უარს იტყვის ასპარეზობაზე, მონაწილეობის უფლებას მიიღებს რეიტინგის მომდევნო პოზიციაზე მყოფი ძიუდოისტი. ასეთი უფლება შეიძლება მიიღონ საერთაშორისო რეიტინგში პირველ 25 ადგილზე მყოფმა ძიუდოისტებმა.

საქართველოს ნაკრების წევრთაგან 16 საუკეთესოს შორის მოხვდნენ: ამირან პაპინაშვილი, ბეთქილ შუკვანი (60 კგ), ლაშა შავდათუაშვილი (66 კგ), ზებედა რეხვიაშვილი (73 კგ), ავთანდილ ჭრიკიშვილი, ლევან წიკლაური (81 კგ), ვარლამ ლიპარტელიანი, ზვიად გოგოჭური (90 კგ) და ადამ ოქრუაშვილი (+100 კგ).

სარეზერვო სიაში არიან: შალვა ქარდავა (66კგ, 24-ე), ნუგზარ ტატალაშვილი (73 კგ, მე-17), ირაკლი ცირეკიძე (-100კგ, 24-ე) და ლევან ჟორჟოლიანი (-100კგ, 25-ე).

ქვემოთ შვიდივე წონითი კატეგორიის საუკეთესო ხუთეულებს და ყველა ქართველის პირად რეიტინგს გთავაზობთ.

 

60 კგ

1 ნაოჰიშა ტაკატო (იაპონია)            1288

2 ამირან პაპინაშვილი             1206

3 ამარტუვშინ დაშდავაა (მონღოლეთი) 1170

4 არსენ გალსტიანი (რუსეთი)          1058

5 ფელიპე კიტადაი (ბრაზილია)        1040

9 ბეთქილ შუკვანი                       734

53 პაატა მერებაშვილი             174

106 გიორგი მესაბლიშვილი        60

144 ვაჟა მარგველაშვილი                 26

232 გიორგი ბროლაშვილი               2

 

66 კგ

1 ტუმურხულეგ დავაადორჟი (მონღოლ.)      1570

2 ლაშა შავდათუაშვილი                 1436

3 დავიდ ლაროში (საფრანგეთი)        1244

4 მასაში ებინუმა (იაპონია)             990

5 იუნ-ჰო ჩო (სამხრეთ კორეა)          980

24 შალვა ქარდავა                        416

45 ტრისტან ფეიქრიშვილი               242

95 თორნიკე თათარაშვილი         82

139 სანდრო იაკობაშვილი                38

147 დავით ასუმბანი                      28

195 ვანიკო თოთლაძე               12

209 გიორგი მკალავიშვილი        10

 

73 კგ

1 ნიამ-ოჩირ საინარგალი (მონღოლეთი)       1130

2 რიკი ნაკაია (იაპონია)                1120

3დექს ელმონი (ჰოლანდია)             1024

4 მანსურ ისაევი (რუსეთი)                     1004

5 კი-ჩუნ ვანგი (სამხრეთ კორეა)       990

14 ზებედა რეხვიაშვილი                 622

17 ნუგზარ ტატალაშვილი                588

112 ამბაკო ავალიანი               66

124 თენგიზ პაპოშვილი            54

135 არსენ მაჭარაშვილი                  48

219 გიორგი პაპუნაშვილი                14

304 ზურაბ ნოზაძე                       2

 

81 კგ

1 ვიქტორ პენალბერი (ბრაზილია)      1426

2 ჯაე-ბუმ კიმი (სამხრეთ კორეა)       1398

3 ავთანდილ ჭრიკიშვილი                1340

4 ლევან წიკლაური                      952

5ანტუან ვალუა-ფორტიე (კანადა)       876

118 ბექა ღვინიაშვილი              60

139 ლაშა ზურაბიანი               42

169 პაატა ღვინიაშვილი                  26

210 იასონ ჩილინდრიშვილი        14

243 დავით კარბელაშვილი                6

 

90 კგ

1 ვარლამ ლიპარტელიანი                1782

2 ეშლი გონზალესი       (კუბა)             1554

3 ილიას ილიადასი (საბერძნეთი)              1142

4 კირილ დენისოვი (რუსეთი)           1006

5 მასაში ნიშიამა (იაპონია)             870

13 ზვიად გოგოჭური               532

129 ლაშა ტაველური               40

142 ბექა ღვინიაშვილი             34

144 ზურაბ ზვიადაური             32

206 ლაშა გურული                       6

 

100 კგ

1 ლუკაშ კრპალეკი (ჩეხეთი)            1476

2 ჰენკ ხროლი (ჰოლანდია)                    1110

3 ტემუულენ ბატულგა (მონღოლეთი)  1056

4 ტაგირ ხაიბულაევი (რუსეთი)         1010

5რენან ნუნესი (ბრაზილია)             948

24 ირაკლი ცირეკიძე               438

25 ლევან ჟორჟოლიანი             430

55 დავით ლორიაშვილი                  158

58 ალექსანდრე მსხალაძე                154

98 ლაშა გურული                        62

100 ბექა ბერძენიშვილი            60

136 ნოდარ მეტრეველი             22

137 ირაკლი ქობლიანიძე                 20

152 გიორგი ნოზაძე                      16

209 გურამ თუშიშვილი             2

 

+100 კგ

1 ტედი რინერი (საფრანგეთი)          2000

2 რაფაელ სილვა (ბრაზილია)          1410

3 სუნგ-მინ კიმი (სამხრეთ კორეა)             1190

4 ადამ ოქრუაშვილი               1112

5 ფაიცელ ჯაბალაჰი (ტუნისი)         916

34 ლევან მატიაშვილი              244

54 ზვიად ხანჯალიაშვილი               140

60 ნოდარ მეტრეველი              120

85 ონისე ბუღაძე                   78

98 გიორგი ზაქარიაძე              42

145 ლაშა გუჯეჯიანი              8