სასიხარულო ფაქტია: გორის "დილას" გენერალური სპონსორი გახდა კომპანია "ავტოგაზპრომი". ეს ქართული კომპანიაა და დამფუძნებელიც ქართველი ჰყავს. როგორც "მსოფლიო სპორტმა" შეიტყო, გენერალური სპონსორი საკმაოდ დიდ თანხას გაიღებს. უფრო დაწვრილებით უახლოეს დღეებში შევიტყობთ, თუმცა ფაქტი უკვე მისასალმებელია...

"დილას" მაისურებზე "ავტოგაზპრომი" ეწერება - ოღონდ, ხუთშაბათს "ოლბორგთან" მატჩში არა, რადგან შრომითი ხელშეკრულების გაფორმებიდან 10 დღე უნდა გავიდეს. აი, მომდევნო ხუთშაბათს, დანიაში კი, "ავტოგაზპრომის" წარწერა იქნება მაისურებზე.

ეს ინფორმაცია "დილას" გენერალურმა მენეჯერმა გია ისიანმა მოგვაწოდა და მისივე ცნობით, "დილა"-“ოლბორგის" მატჩზე დასასწრებად დანიიდან დაახლოებით 50 გულშემატკივარი ჩამოვა. გორიდან კი, 5-6 ავტობუსით ჩამოვლენ ქართული გუნდის ქომაგები.