თუკი, ფრანგი ფეხბურთელების დიდი ნაწილი მაჰმადიანები თავიანთი მაღრიბულ-არაბული წამროშობის გამო არიან, ფეხბურთელ ფრენკ რიბერის მსგავსად, ნიკოლას ანელკაც ქრისტიანად დაიბადა და ისლამური რელიგია სულ რამდენიმე წლის წინ, მისი თქმით, სრულიად გააზრებულად შეიმეცნა.
თუკი, რიბერის გამაჰმადიანებაში მისი არაბი ცოლია გარეული, ანელკამ ისლამი მეგობრის რჩევითა და შეგონებების შემდეგ ირწმუნა. ნიკოლა ანელკას მუჰამედის რჯულზე მოქცევა 2004 წელს მოხდა და ამის შემდეგ, ანელკა ჩინეთში იქნება თუ საფრანგეთში, ყველგან მეჩეთს ეძიებს, რათა საკუთარი სული მოლას მიანდოს.
სხვათა შორის, ევროპაში ძირითადად ორი ქვეყანა, საფრანგეთი და ბელგიაა, სადაც ქრისტიანების არცთუ მცირე ნაწილი მაჰმადიანდება ყოველ წელს. ამის ერთ-ერთ მთავარ მიზეზად, ამ ქვეყნებში არაბების სიმრავლეს ასახელებენ, რაც მთლად “წელგამართული“ არგუმენტი არ უნდა იყოს.
