სუპერლიგის მონაწილე “შსს აკადემიას” და საქართველოს ეროვნული ნაკრების წევრი, ფორვარდი ლევან ფაცაცია (24. 09. 88. 198 სმ) კალათბურთში ევროლიგის მონაწილე რუსეთის კლუბ “ნიჟნი ნოვგოროდში” ჩაირიცხა. ამ გუნდს ქართველი გულშემატკივრებისათვის კარგად ნაცნობი, ლატვიის კალათბურთელთა ეროვნული ნაკრების მთავარი მწვრთნელი აინარს ბაგატსკისი ავარჯიშებს.
ამის შესახებ “მსოფლიო სპორტს” ფაცაციას ყოფილმა მწვრთნელმა ვაჟა კვარაცხელიამ განუცხადა, რომელიც ამჟამად სუპერლიგის მონაწილე “სოხუმს” ავარჯიშებს.
“ხელშეკრულება “ნიჟნი ნოვგოროდის” ხელმძღვანელობასა და ფაცაციას შორის გაფორმებულია. ლევანი რუსეთის ვიზასღა ელოდება, რათა გუნდს შეუერთდეს”- გვითხრა კვარაცხელიამ.
ლევან ფაცაცია, მანუჩარ მარკოიშვილის (ცსკა, რუსეთი), თორნიკე შენგელიასა (“ლაბორალ კუჩა”, ესპანეთი) და ვიქტორ სანიკიძის (“უნიქსი”, რუსეთი) შემდეგ მე-4 ქართველი კალათბურთელია, რომელიც ევროლიგის 2014-15 წლების გათამაშებაში იასპარეზებს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
Udachi
წარმატებები
საღოლ
იმედია გაისისათვის მაგარი ნაკრები შეიკრიბება. თუ ტრამვიანობაც აგვცდება - ნაკრები ალბათ ისტორიაში საუკეთესო შედეგს დადებს.
ისევ რუსეთო
კარგია იმედია ფეხს მოიკიდებს, ერთი ცინცაძესაც გამოუჩნდეს ნორმალურიი გუნდი კარგი იქნება.
წარმატებები
წარმატებები, ნადვილად კაი ნიუსია
ვა არ ველოდი მაგარი გუნდი ნოვგოროდი თუ 10 წუთს მაინც დაუთმობენ ძაან კარგი იქნება