მიხეილ ბერიშვილის “ზლატოროგი” სლოვენიის საკალათბურთო ჩემპიონატში წარმატებულ თამაშს განაგრძობს.

ამჯერად, ლაშკოელები “ჰელიოსს” ესტუმრნენ და 66:61 მოიგეს, ხოლო ქართველმა კალათბურთელმა 13 წუთში 4 ქულა, 1 მოხსნა, 1 პასი და 1 ჩაჭრა მიითვალა.

ბერიშვილმა 2-დან 1 სამქულიანი და 2-დან 1 საჯარიმო ჩააგდო, 3 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.

“ზლატოროგმა” 8 მოგება და 2 მარცხი მოაგროვა და სატურნირო ცხრილში მე-2 ადგილზე იმყოფება.