ფეხბურთელობისას, თომას შააფმა მთელი კარიერა "ვერდერში" გაატარა, 18 წელი ითამაშა ამ გუნდში. შააფი შემდეგ მწვრთნელი გახდა და მართლაც ბრწყინვალედ მუშაობდა "მუსიკოსებში", 14 სეზონის განმავლობაში წვრთნიდა ბრემენულ კლუბს და ბუნდესჩემპიონობის გარდა, სამჯერ გერმანიის თასიც მოაპოვებინა.

თომას შააფი წლეულს ჩაუდგა სათავეში "აინტრახტს" და მშვენივრადაც ათამაშებს: გუნდი მეშვიდე ადგილზეა. ამ ტურში კი 53 წლის მწვრთნელმა ცოტა ხანს "დაივიწყა" თავისი წარსული და "ვერდერს" ისეთი დღე აყარა, მტრისას. მისმა გაწვრთნილებმა 5:2 გაანადგურეს "მუსიკოსები".

საუკეთესო იყო ალექსანდრ მაიერი, რომელმაც დუბლი მიითვალა და საერთოდაც, არაერთ სხვა ეპიზოდშიც გააწამა სტუმართა დაცვა. 10 გოლით, მაიერი ბომბარდირთა სიაში ლიდერობს.

"ვერდერი" ბოლოსწინა ადგილზეა, აუტსაიდერთა ჯგუფის კიდევ ერთმა სახელიანმა წარმომადგენელმა კი მოიგო. საუბარია "ჰამბურგზე", რომელმაც ცუდ ფორმაში მყოფ "მაინცს" 2:1 სძლია. იაპონელმა ოკაზაკიმ კი გაიტანა "მაინცისთვის", მაგრამ ეს ბოლოს… მანამდე კი კლებერ რეისმა და რაფაელ ვან დერ ვაარტმა გოლებით "ჰამბურგს" ჰანდიკაპი შეუქმნეს.

ჰამბურგი-მაინცი 2:1 (1:0)

ჰამბურგი: დრობნი, დიკმაიერი, ჯურუ, მარკოსი, რეისი, ჰოლტბი, ჟირაჩეკი, ნიკო მიულერი, ვან დერ ვაარტი (არსლანი 83), ლასოგა (გუაიდა 90+3), რუდნევსი (კაჩარი 90)

მწვრთნელი: იოზეფ ცინბაუერი

მაინცი: კარიუსი, ბელი, ბროზინსკი, დიასი (სოტო 55), პარკი, ნოვესკი, ჯურიჩიჩი (სამპაერიო 66), კუ (მალი 66), გაისი, ალაგუი, ოკაზაკი

მწვრთნელი: კასპერ ჰიულმანდი

გოლები: 1:0 რეისი (32), 2:0 ვან დერ ვაარტი (54 პენ), 2:1 ოკაზაკი (89)

გაფრთხილება: რუდნევსი (77)

მსაჯი: შტეგემანი

აინტრახტი-ვერდერი 5:2 (1:1)

აინტრახტი: ვიდვალდი, ანდერსონი, ჩანდლერი, ოცზიპკა, რუში, აიგნერი, ჰასებე, ინუი (კიტელი 83), მაიერი (მედოევიჩი 84), შტენდერ (იგნიოვსკი 88)ა, სეფეროვიჩი

მწვრთნელი: თომას შააფი

ვერდერი: ვოლფი (შტრებინგერი 60), ფრიტცი, გარსია, ლუკიმია, პრიოდლი (კალდიროლა 24), აიჩიკეჩი, ბარტელსი, იუნუზოვიჩი, გაბრე სელასი, ფელიქს კროოსი (ბეგფრედე 74), ზელკე

მწვრთნელი: ვიქტორ სკრიპნიკი

გოლები: 1:0 მაიერი (33), 1:1 გაბრე სელასი (45), 2:1 სეფეროვიჩი (68), 3:1 მაიერი (68), 4:1 აიგნერი (76), 4:2 კალდიროლა (80), 5:2 შტენდერა (81)

გაფრთხილება: პრიოდლი (21), ინუი (31), ჩანდლერი (85), ფრიტცი (90+2)

მსაჯი: დინგერტი