ქართველმა კალათბურთელმა მიხეილ ბერიშვილმა სლოვენიურ “ზლატოროგში” გადასვლის შემდეგ, საუკეთესო მატჩი ჩაატარა.

ლაშკოელებმა სლოვენიის ჩემპიონატში “გროსბასკეტი” 69:59 დაამარცხეს, ბერიშვილი კი მასპინძელთა რიგებში სარგებლიანობის კოეფიციენტის მიხედვით მე-2 იყო.

მიშამ მოედანზე 31:19 წუთი გაატარა და 12 ქულა, 5 მოხსნა (2 მეტოქის ფარზე), 3 პასი და 1 ჩაჭრა მოაგროვა.

საქართველოს ნაკრების წევრმა 4-დან 2 ორქულიანი, 4-დან 2 სამქულიანი და 2-ვე საჯარიმო ჩააგდო, 3 პერსონალური ფოლი მიიღო და მის წინააღმდეგაც 3-ჯერ დაჯარიმდნენ.

“ზლატოროგმა” 5 მოგება და 2 მარცხი მოაგროვა და “როგაშკასთან” და იმავე “გროსბასკეტთან” ერთად მეორე-მეოთხე ადგილებს იყოფს, მომდევნო მატჩს კი 6 დეკემბერს სტუმრად “ელეკტრა შოშტანისთან” გამართავს.