ფრანჩესკო ტოტი შესაძლოა „რომაში“ დაბრუნდეს. ამის შესახებ იტალიური მედია იტყობინება.

ლეგენდარული ფეხბურთელი მშობოლიურ კლუბში სავარაუდოდ, ტექნიკური დირექტორის პოსტს ჩაიბარებს. ეს ანალოგიური თანამდებობაა, რაც „მილანში“ პაოლო მალდინის ეკავა, როცა გუნდში რიკი მასარა მუშაობა. მოგეხსენებათ, მასარა ამჟამად „რომაში“ მუშაობს.

ფრანჩესკო ტოტიმ მთელი საფეხბურთო კარიერა „ჯალოროსიში“ გაატარა, სადაც 786 მატჩში 307 გოლი გაიტანა. კარიერის დასრულების შემდეგ ცოტა ხნით უკვე მუშაობდა „რომაში“, მაგრამ მალევე კლუბიდან წავიდა. ახლა კი, შესაძლოა, „იმპერატორი“ შინ ისევ დაბრუნდეს.