დოჰაში დაიწყო მსოფლიო ჩემპიონატი ელვისებურ ჭადრაკში. პირველ სათამაშო დღეს ვაჟთა შორის 13 ტური გათამაშდა. ჩემპიონატს ერთდროულად 10 ქულით სამი მოჭადრაკე ლიდერობს: არუნ ერიგასი (ინდოეთი), მაქსიმ ვაშიე-ლაგრავი (საფრანგეთი) და ფაბიანო კარუანა (აშშ).

ლიდერთა სამეულს ნახევარი ქულით ჩამორჩება ბაადურ ჯობავა. აღსანიშნავია, რომ ბაადურმა მე-13 ტურში თეთრებით იან-კრისტოფ დუდა დაამარცხა.

ქალთა შორის 10 ტური გათამაშდა და 8,5 ქულით ლიდერობს ელინა რობერსი (ნიდერლანდები). ნახევარი ქულით ნაკლები აქვთ: ალექსანდრა გორიაჩკინას (ფიდე), ულმიდა ომონოვას (უზბეკეთი) და ანტოანეტა სტეფანოვას (ბულგარეთი).

ქართველი მონაწილეების ტექნიკური შედეგები:

ვაჟები:

• ბაადურ ჯობავა - 9,5 ქულა;
• გიგა ყუფარაძე - 7,5 ქულა;
• ლევან ფანცულაია -7 ქულა.

ქალები:

• მერი არაბიძე — 6,5 ქულა;
• ნინო ბაციაშვილი — 6 ქულა;
• ინგა ჭარხალაშვილი — 5,5 ქულა;
• ბელა ხოტენაშვილი, ნანა ძაგნიძე — 5 ქულა;
• ანასტასია კირთაძე — 4,5 ქულა;
• კესარია მგელაძე — 3 ქულა.