ეროვნული ლიგა 2-ის სეზონი დასრულდა და ყველა ვერდიქტი. ბოლო ტურში პლეი-ოფის და პლეი-აუტის მონაწილეები ირკვეოდა.

„მეშახტემ“ სტუმრად „რუსთავს“ 2:1 მოუგო და 52 ქულით მესამე ადგილი დაიკავა, რითაც პლეი-ოფში ითამაშებს, სადაც „თელავს“ ორმატჩიან დუელში შეხვდება ეროვნული ლიგის საგზურისთვის.

მარტვილის „მერანმა“ სტუმრად „სამტრედიასთან“ 2:1 იმარჯვა, მაგრამ ვინაიდან „მეშახტეს“ ფეხი არ დაუცდა, მარტვილელები 50 ქულით მეოთხე ადგილს დასჯერდნენ და მომდევნო სეზონსაც ელიგა 2-ში გაატარებენ.

თბილისის „ლოკომოტივმა“ „დინამო 2“ 5:1 გაანადგურა, მაგრამ პლეი-აუტის ზონა ვერ დატოვა, რადგან მისმა კონკურენტმა „სიონმა“ ზედიზედ მეოთხედ მოიგო, „გონიოს“ 5:0 სძლია და 48 ქულით მეხუთე ადგილზე გავიდა.

ამგვარად: ეროვნულ ლიგაში „რუსთავი“ აღზევდა (ფოთის „კოლხეთის“ ეროვნული ლიგიდან დაქვეითდა), პლეი-ოფში გადასასვლელად „სპაერი“ „გარეჯს“ და „მეშახტე“ „თელავს“ შეხვდება.

ლიგა 3-ში გავარდნენ „გონიო“ და „დინამო თბილისი 2“, ხოლო პლეი-აუტში დასარჩენად „ლოკომოტივი“ „არაგვს“ და „იბერია 2“ „ოდიშს“ შეხვდება. ლიგა 3-დან ეროვნულ ლიგა 2-ში აღზევდნენ „შტურმი“ და „გორი“, ხოლო ლიგა 4-ში გავარდნენ ხობის „კოლხეთი“, „ბორჯომი“ და „ბახმარო“. თავის მხრივ, ლიგა 4-დან ლიგა 3-ში გადავდნენ „იბერია 2010“, „ივერია“ და ლანჩხუთის „გურია“, ხოლო რეგიონალიგაში გავარდნენ „ზესტაფონი“, „სულორი“, „ზანა“ და „მაჭახელა“.