ფიფამ მშვიდობის ჯილდო დააწესა, რომლის პირველი გამარჯვებული აშშ-ს პრეზიდენტი დონალდ ტრამპი გახდა.
ვაშინგტონში, მსოფლიოს ჩემპიონატის წილისყრაზე ფიფას პრეზიდენტმა ჯანი ინფანტინომ ტრამპს სპეციალური თასი და მედალი გადასცა, ხოლო ტრამპმა სცენაზე განაცხადა, რომ ეს მისი ცხოვრების ერთ-ერთი უდიდესი ჯილდოა:
„ეს ჩემი ცხოვრების ერთ-ერთი ყველაზე დიდი ჯილდოა. მილიონობით სიცოცხლე გადავარჩინეთ, მოვახერხეთ ბევრი ომის შეჩერება. მინდა მადლობა გადავუხად ჩემს ოჯახს, პირველ ლედს, მელანიას“, - თქვა ტრამპმა.
შეგახსენებთ, რომ მსოფლიოს 2026 წლის ჩემპიონატს ამერიკის გარდა, მექსიკა და კანადა უმასპინძლებენ.
