ფიფა შიდა ლიგების მატჩების საზღვარგარეთ ჩატარების აკრძალვას შეეცდება - წერს The Guardian.

გამოცემის ცნობით, ლა ლიგის მე-17 ტურის მატჩის „ვილიარეალსა“ და „ბარსელონას“ შორის მაიამიში, ფლორიდაში (აშშ) „ჰარდ როკის“ სტადიონზე და სერია A-ს 24-ე ტურის მატჩის „მილანსა“ და „კომოს“ შორის ავსტრალიაში გადატანამ ფიფას ხელმძღვანელობა გააღიზიანა. ფიფა ამჟამად წესების გამკაცრებაზე მუშაობს, რომლის მიზანია სხვა ქვეყნებში შიდა ლიგების მატჩების სრულად აკრძალვა. ოფიციალური პირები მომავალი წლის დასაწყისში ახალი მარეგულირებელი კანონმდებლობის წარდგენას შეეცდებიან.