„ლივერპულის“ ფეხბურთელი ფედერიკო კიეზა შესაძლოა იტალიაში დაბრუნდეს და კარიერა „რომაში“ გააგრძელოს.

„ჯალოროსი“ 27 წლის გარემარბით დაინტერესებულია. საუბარია, რომ კიეზა „რომაში“ შეიძლება იჯარით და გამოსყიდვის უფლებით გადავიდეს. კიეზა „ლივერპულში“ პრაქტიკულად ვერ თამაშობს, რადგან არნე სლოტი არ ენდობა. მიმდინარე სეზონში მან ყველა ტურნირზე მხოლოდ 11-ჯერ ითამაშა და 2 გოლი გაიტანა.

ფედერიკო კიეზას მანამდე ფლორენციის „ფიორენტინასა“ და ტურინის „იუვენტუსში“ უთამაშია.