NBA-ში სანდრო მამუკელაშვილის „სან ანტონიომ“ „კლივლენდ კავალიერსთან“ საკუთარ მოედანზე დაძაბულ ბრძოლაში 113:114 წააგო. სტუმრებმა პირველი ტაიმის შემდეგ 17-ქულიანი უპირატესობა მოიპოვეს, გრეგ პოპოვიჩის გუნდმა მხოლოდ მეორე ნახევარში მოახერხა თამაშში დაბრუნება.

მამუკელაშვილმა პარკეტზე 12 წუთი გაატარა, ხსენებულ დროში კი, 5 ქულა და 5 მოხსნა დააგროვა. ქართველმა კალათბურთელმა 2-დან 1 ორქულიანი და 3-დან 1 სამქულიანი ჩააგდო.

„სან ანტონიო“ დასავლეთ კონფერენციაში 32 მოგებით და 45 წაგებით მე-13 ადგილზეა, მომდევნო შეხვედრას კი, 7 აპრილს, სტუმრად „პორტლენდთან“ გამართავს.