„ნაპოლის“ მთავარმა მწვრთნელმა ანტონიო კონტემ „მილანთან“ მატჩის (2:1) შემდეგ ისაუბრა. როგორც მან თქვა, ძალიან მნიშვნელოვანი გამარჯვებაა და სკუდეტოსთვის ბოლომდე იბრძოლებენ.

„პირველ ტაიმში ვდომინირებდით გუნდთან, რომელსაც სეზონის წინ სკუდეტოს ამბიციები ჰქონდა და იანვარში კიდევ უფრო გაძლიერდა. ანგისას პრობლემა ჰქონდა, მაკტომინეი გვაკლდა, ნერესი დიდი ხნის უთამაშებელი იყო, ამიტომ, მატჩის ბოლოს გაგვიჭირდა. გამოსავალი უნდა მეპოვა, ასეთ დღეებში მწვრთნელობა მძულს, თავი მტკიოდა, რადგან მომიწია გამოსავლის მოძებნა, რისკზეც წავედი. ჩვენთვის ეს კარგი შედეგია, რადგან „ინტერთან“ ჩამორჩენა ისევ 3 ქულაა და მეხუთეადილოსანთან უპირატესობა შევინარჩუნეთ, რადგან შეგახსენებთ, რომ სეზონის წინ ჩვენი მიზანი ჩემპიონთა ლიგის ზონაც არ იყო, უბრალოდ ევროზონაში მოხვედრა, ახლა კი, 8-თვიანი მუშაობის შემდეგ იქ ვართ, ჩემპიონობის შანსი გვაქვს და სიგიჟე იქნებოდა, რომ ახლა არ გვჯეროდეს.

ჩვენს წინ საბრძოლო ხომალდია, რომელიც იტალიასა და ევროპაში სხვა დონეზეა, ჩვენთვის მნიშვნელოვანი იქნება ყველა ფეხბურთელის დაბრუნება, რადგან ასე შეგვიძლია ჩვენი სათქმელის თქმა. დღეს ადვილი არ იყო, რადგან „ინტერის“ შემდეგ ვითამაშეთ, თუმცა შესანიშნავად ვუპასუხეთ.

„ნაპოლიში“ ჩემი ინტეგრაცია სრულყოფილი იყო, მოლოდინს გადააჭარბა, ძალია კარგად მიმიღეს და ფანების წინაშე თავი ვალში ვიგრძენი. გარკვეულწილად მე და ბიჭებმა ეს ვალი დავაბრუნეთ. რაღაც განსაკუთრებულს ვაკეთებთ და ეს უნდა ვიცოდეთ. ახლა მხოლოდ აწმყოზეა ფოკუსირება, 8 მატჩია დარჩენილი და მომავალზე შემდეგ ვიფიქრებთ“, - თქვა კონტემ.

შეგახსენებთ, ნაპოლი“ 64 ქულით მეორე ადგილზეა, მხოლოდ 3 ქულით ჩამორჩება „ინტერს“ და ჩემპიონობისთვის ბრძოლას აგრძელებს, ხოლო მომდევნო ტურში 7 აპრილს, სტუმრად „ბოლონიას“ შეხვდება.