​19 წლის ჩეხმა იაკუბ მენსიკმა მაიამის მასტერსის ნახევარფინალში ამერიკელი ტეილორ ფრიცი 7-6(4), 4-6, 7-6(4) დაამარცხა

მენსიკმა მატჩში 25 ეისი შეასრულა და გადამწყვეტ მომენტებში სტაბილურობა გამოავლინა. ამ გამარჯვებით, ის მაიამის ტურნირის ისტორიაში მესამე ყველაზე დაბალრეიტინგული ფინალისტი გახდა.

მატჩის განმავლობაში ორივე მოთამაშე ძალიან დამაჯერებელი იყო საკუთარ ჩაწოდებეზე. მენსიკმა პირველ ჩაწოდებაზე ქულების 82% მოიგო, ფრიცმა კი 80%. ფინალში მენსიკი თავის კერპს, ნოვაკ ჯოკოვიჩს დაუპირისპირდება, რომელთანაც მან შანხაიში უკვე ითამაშა და პირველი სეტი მოიგო, თუმცა საბოლოოდ დამარცხდა.

ფინალი კვირას გაიმართება, სადაც მენსიკი შეეცდება თავისი პირველი მასტერსის ტიტულის მოპოვებას, ხოლო ჯოკოვიჩი კარიერის მე-100 ტიტულისკენ მიიწევს.