ბოსტონში მიმდინარე ფიგურული ციგურაობის მსოფლიო ჩემპიონატზე ანასტასია მეტელკინამ და ლუკა ბერულავამ წყვილთა შეჯიბრებაში მეოთხე ადგილი დაიკავეს. ამ შედეგით მათ ოლიმპიადის საგზური მოიპოვეს.

ქართველმა სპორტსმენებმა მოკლე და თავისუფალი პროგრამების ჯამის მიხედვით 202,21 ქულა (71,68 + 130,53) დააგროვეს.



რაც შეეხება კიდევ ერთ ქართველ მოციგურავე ნიკა ეგაძეს, ის მოკლე პროგრამის შემდეგ 90.39 ქულით ჯერჯერობით მეექვსე ადგილზეა. თავისუფალი პროგრამა შაბათს, 29 მარტს, გვიან ღამით გაიმართება.