უეფამ მადრიდის „რეალის“ ფეხბურთელების, ანტონიო რიუდიგერის, დანი სებალიოსის, კილიან მბაპესა და ვინისიუსის წინააღმდეგ გამოძიება დაიწყო.

საქმე ეხება „ატლეტიკოს“ ფანების მიმართ ამ ფეხბურთელების ჟესტებს ქცევებს ჩემპიონთა ლიგის მატჩის შემდეგ. ინფორმაციას უეფას ვებგვერდი ავრცელებს.

ასე რომ, შესაძლოა, „სამეფო კლუბის“ ფეხბურთელები დისკვალიფიკაციით დაისაჯონ ან ფულადი სანქცია დაეკისროთ.

შეგახსენებთ, რომ „რეალმა“ ჩემპიონთა ლიგის მერვედფინალში „ატლეტიკო“ პენალტების სერიაში დაამარცხა და მეოთხედფინალში გავიდა, სადაც ლონდონის „არსენალს“ შეხვდება.