რუმინეთის ჩემპიონატში „კრაიოვამ“ „კლუჟს“ უმასპინძლა, რომელიც 3:0 დაამარცხა, ერთი გოლი კი, ანრი მექვაბიშვილმა გაიტანა.

ქართველმა ფეხბურთელმა მეტოქის კარი 37-ე წუთზე დალაშქრა და ანგარიში გახსნა. მექვაბიშვილი ამ შეხვედრაში მოედანზე 84-ე წუთამდე იყო.

23 წლის ნახევარმცველს რუმინეთის ჩემპიონატის მიმდინარე სეზონში ჩატარებულ 20 მატჩში 2 გოლი აქვს გატანილი.

„კრაიოვა“ საჩემპიონო ზონას ლიდერობს, მომდევნო ტურში კი, 29 მარტს, ბუქარესტის „რაპიდს“ ესტუმრება.