მოლდოვის ჩემპიონატის მე-12 ტურში ტირასპოლის „შერიფმა“ სტუმრად „მილსამი“ 4:0 გაანადგურა, ვლადიმერ მამუჩაშვილმა კი გოლი ისევ გაიტანა.

მან თავი 38-ე წუთზე გამოიჩინა და ანგარიში გახსნა, ხოლო მეორე ნახევარში ტირასპოლელებმა კიდევ სამჯერ გაიტანეს და ადვილად მოიგეს.

მამუჩაშვილმა „შერიფის“ რიგებში მეხუთე გოლი გაიტანა, მათ შორის, ზედიზედ მეორე შეხვედრაში გამოიჩინა თავი, იქამდე კი, ჰეთ-თრიქი ჰქონდა შესრულებული.

„შერიფი“ 32 ქულით პირველ ადგილზეა, მომდევნო ტურში კი, 9 ნოემბერს, „ფლორესტის“ უმასპინძლებს.