„ბრენტფორდმა“ პრემიერლიგის მე-6 ტურის „ვესტ ჰემთან“ მატჩის (1:1) პირველ წუთზე გაიტანა. ამრიგად, „ფუტკრებმა“ პრემიერლიგის შეხვედრის პირველ წუთზე ზედიზედ მესამედ გახსნეს ანგარიში. „ბრენტფორდი“ გახდა პირველი გუნდი პრემიერლიგის ისტორიაში, რომელმაც ამ მიღწევას უწია. ამის შესახებ CentreGoals იტყობინება.

გოლი პირველ წუთზე თავდამსხმელმა ბრაიან მბემომ გაიტანა. 54-ე წუთზე ანგარიში „ვესტ ჰემის“ ჩეხმა ტომას სოუჩეკმა გაათანაბრა.

ექვსი მატჩის შემდეგ „ბრენტფორდს“ შვიდი ქულა აქვს და ინგლისის ჩემპიონატის სატურნირო ცხრილში მე-12 ადგილზეა.