ნეაპოლელმა ჟურნალისტმა ვალტერ დე მაჯომ განაცხადა, რომ ანტონიო კონტემ შეიძლება ხვიჩა კვარაცხელია უახლოეს მომავალში მარჯვენა ფლანგზე ითამაშოს.

უფრო მეტიც, დე მაჯო დარწმუნებულია, რომ ეს მოხდება:

„გუშინ ვნახეთ რასპადორი, რომელიც ნახევარდაცვას და შეტევას ერთმანეთს კარგად უკავშირებდა. დარწმუნებული ვარ, რომ პროცესში კონტე 4-2-3-1 სქემას მოსინჯავს, რომელშიც ნერეში მარცხენა ფლანგზე ითამაშებს და კვარაცხელია - მარჯვნივ. მალე მოხდება, ნახავთ. ნაპოლის საოცარი შემადგენლობა ჰყავს, ერთადერთი დაცვა მაფიქრებს, სადაც რაჰმანის და ბონჯორნოს პირველი ალტერნატივა რაფა მარინია“, - თქვა დე მაჯომ.

შეგახსენებთ, რომ „ნაპოლი“ უახლოეს მატჩს 29 სექტემბერს, საკუთარ მოედანზე „მონცასთან“ გამართავს.