7 მატჩი და 7 მოგება - ჰანსი ფლიკის „ბარსელონას“ ლა ლიგაში იდეალური სტარტი აქვს.
მეშვიდე ტურში „ბლაუგრანა“ ისეთი შთამბეჭდავი არ ყოფილა, როგორც წინა ტურებში, მაგრამ „ხეტაფეს“ მაინც აჯობა - 1:0. ერთადერთი გოლი მატჩის დასაწყისში რობერტ ლევანდოვსკიმ გაიტანა და კატალონიელებმა მორიგი გამარჯვება მოიპოვეს.
ერთი კვირის წინ ჩემპიონთა ლიგაზე „მონაკოსთან“ წაგება რომ არა, „ბარსელონას“ სეზონის საუცხოო დასაწყისი ექნებოდა, თუმცა, არც ახლა დაეწუნება რამე, რადგან ლა ლიგას ლიდერობს.
„ბარსელონას“ 7 ტურში 21 ქულა აქვს, ოთხი ქულით უსწრებს „რეალს“ და მომდევნო ტურში 28 სექტემბერს, სტუმრად „ოსასუნას“ დაუპირისპირდება.
